كل الأحبة اتنين اتنين

ياسلام وانت ماشي كده ف الشارع لما تشوف العصافير بتزقزق

كل قلبين اجتمعوا يا سلام

اد ايه بكون مبسوطة ااوي وانا شايفاهم عصفورين عاشقين
وبتمنى لو كل الدنيا زيهم

بس كااااااااااااااااااااااااااااااااااااااااااااااااااااااات

اللي بشوفهم دول مش عصافيرلا دين ولا اخلاق ولا تربية ولا اي حاجة خالص

لما اشوف واحدة معايا ف المدرسة الصبح مع واحد وبعد المدرسة مع واحد ولما تغيب تخرج مع واحد وف الفصل تكلم واحد غير الوحايد اللي قبل كده

لما كل ما اروح ف حتة الاقي كل الاحبة اتنين اتنين لدرجة اني ابتديت اشك ف نفسي واحس ان انا اللي بقيت غريبة

يعني اقربها كنت ف دريم بارك من فترة وكل م اروح حتة الاقي إتنين واقفين مع بعض وهاتك يا ضحك وهزار ومسك ايد ويارتها جت ع الايد وبس

طبعا كلنا عارفين ان ده بيكون تسلية وتقضية وقت وكده بالنسبة للولد
ففكرت اسال بنت من اللي يعرفوا الولاد دول وسألتها فعلا قلتلها مش انتي عارفة انه بيتسلى ولقيت الرد اللي صدمني فعلا قالتلي "طب وايه يعني مانا كمان بتسلى" ساعتها كان جردل ماية ساقة اتدلق عليا وقلتلها ايه ازاي يعني قالتلي عاتشي بئى

يعني معنى كده اننا وصلنا لمرحلة متطورة جدا احنا وصلنا لدرجة ان البنت كمان بقت تتسلى

طب دي هنحلها ازاي كنا الاول نقنع البنت انه الشاب بيضحك عليها وعمره ما هينفذ اي وعد من وعوده فكانت البنت تعقل وتسيبه

لكن دلوقتي لما البنت كمان بتتسلى يبئى فاضل ايه

انا عايزة اعرف يا جماعة احنا وصلنا للمرحلة دي ازاي وازاي نقدر نحلها ازاي كل واحد مننا يساهم انه يحل الموضوع ده ؟

قولولي بسرعة قبل ما اتجنن

طبعا يا ابرار انا معاكي ان ده السبب الرئيسي والاول

والحل اننا نرجع لدينا

بس احنا عايزين خطوة اولانية يعني اصدي ان اكيد واحدة مصاحبة مش هتفكر انها تروح محاضرة دينية

وف الغالب لو فكرتي تديها شريط او تنصحيها هتسمعي منها حاجات مش لطيفة انك عايشة ف دور الواعظة وكده

فاحنا عايزين نفكر ف خطوة اولانية تحاولي تقنعيها ان اللي بتعمله ده هيضرها هي ف الاول

ومستنية مناقشتك يا ابرار لاني بستمتع جدا بيها والله

وفين الباقي يا جماعة

****